...

гурван цэг.
За жаахан элийрээдэхвэл бүх юм сайхан болоод дотор уужраад, толгойн доторх мянга түмэн эс минь таван минут ч гэсэн тайван амгалан болчихгээд байна. Асуудал их байна аа. 

1. Сонгууль
Муусайн хулгайч нарт саналааа худалдахгүй гээд санал өгөөгүй минь миний буруу байж би алдсан байна. Би буруу бодсон байна. Эхний санал хураалтаар Улаан сарнайт намынхан Улаанбаатарыг цаашилбал улс орон даяар улаан сарнайн үрээ цацаж байх шиг байна. Уучлаарай энхрий хайрт эх орон минь.  Над шиг мянга мянган залуус сонгуулиа өгөөгүй болохоор Улаан сарнайт нам ялж байх шиг байна. Хэрвээ над шиг мянга мянган залуус сонгуулиа өгсөн бол байдал арай өөрөөр эргэх байсан байх. Эртний мэргэд, эмээ өвөө нар гоё гоё торгон, даалимбан тэрлэгээ өмсөөд гоёж гоодоод очиж сонгуулиа өгөөд байсан сурагтай. 

За тэгээд угаасаа тов тодорхой Ардчилал болон Хувьсгал 2 нь хамаг суудлын тоогоо хувааж аваад эх орны хишиг болон эрдэнийн хувь болох 1 сая гаруй төгрөгийг 2009 оноос бид нар авч магадгүй юм шиг байна. Нөгөө талаас Энхсайхан хүүхэд бүрт 20000 төгрөг өгнө гоё. Дүүгийн мөнгө буухаар гоё найрна аа lol. Нөгөө талаас нэг тиймэрхүү. Сураггүй л сонгууль болж байх шиг байна. 

2. Наадам
Наадам болох гээл хэний хуушуур тарган бол, хэний айраг иссэн  бол гээд л... Бодоол хүлээгээл ...  Хоног тоолоол ... 

3.  Хөл бамьбаг
Манай Монголчууд ер нь нийтээрээ худлаа болчихжээ. Ер нь л хараад байхад тийм байна. Өчигдөр шөнө яаав. 2 цаг 30 минутаас Евро 2008 аваргын тоглолт болох болов. Энд тэндээс тэгий ингье гээд залгаад. Гоол оруулахаар нь аа үү гэж орилоод, алдахаар нь тэгчкү ингэчкү гээд. Нэг ёсны нийтээрээ далдайж худлаа фанатлаж байгаа юм болов уу даа л гэж бодож байлаа. Шаал худлаа. Эмэгтэйчүүд нь Английн Дэвид Бэкэм гэж сайхан залууг, эрэгтэйчүүд нь Бразилийн Хүүхэн шиг царайтай Роналдино гэж залуугаас бусдыг нь ихэнх нь мэдэхгүй шд ээ. шаал худлаа гарууд. Тэгээд л харахаар тэр тэгээд, энэ нээрээ ингээд гээд, шаал худлаа. азгүй азтай ч гэх шиг. Ер нь Морин дэл дээрээс  тарвага шүүрдэг богинохон мөчтэй манайхан хөлбөмбөг, жазз /Jazz/ хөгжим 2 гэж худлаа дух царайлаад ямар хэрэг байна аа. Тархиа сайхан ажиллуулдаг тийм л юм бодож олцгоосон дээр биз дээ. 

4. Ажил
Маргаашнаас буюу 7 сарын 1 ээс барилга дээр хурган даргаар 8 сарын 20 хүртэл очно. Тэгээд тэрний дараагаас үндсэн юм аа хийнэ. 1 сар хагасын туршид ер нь маш их завгүй байх байх. Завгүй хийгээд хэмнэлт, хэний ч бус өөрийнхөө төлөө гэж өөртөө хэлээд өөрийгөө зоригжуулаад яваад байдаг хэрэг ээ. Тэгээд ч олзуурахаад байгаа шүү. 
Өмхий хужаа нарын барилга байшин барих, элдэв янзын ажилдаа сайн байгааг нь хараад атаархаад байна аа, атаархаад байна. Хамтарч багаар ажиллахдаа, шавар шавхайны ажилд орохдоо, цэвэрч гэж жигтэйхэн үнэхээр аймар юм аа. юм шавахдаа газар ганц ч дусал шавар унагаахгүй, яг л бетон авчраад тавьчихсан юм шиг юм хийгээд байна аа энэ хужаа нар чинь. Харахаар манайхан хэзээ ийм болно оо гээд атаархаад байна аа. 
Манайхан залхуу дээрээс нь цөөхүүлэхнээ хэр нь нэгнийхээ улыг шагайж, бөгсийг нь ухаж явдаг болохоор Монгол хөгждөггүй байх л даа. Ямартай ч маргаашнаас эхлээд алаад өгнө өө!

5. Жижкэн эдийн засаг
1 баррель нефтийн үнэ 142 ам долларт хүрч өнгөрсөн долоо хоногийн бирж хаасан билээ. Өнөөдөр ч 141,50 байна. Энэ жилийн эцсээр 180 орчим долларт хүрнэ гэж мэдээлсээр байна. Нөгөө талаар ОХУ манайд нийлүүлдэг нефтийнхээ тонн тутам дахь үнийг 100 ам доллараар нэмэх болов. Энэ ч манайд бас л хүндээр тусна. Бүгдээрээ ядуу юм чинь жижкэн хотдоо багтаж шингэхгүй зовж байснаас бүгд морин тэрэгтэйгээр явбал ямар вэ? Угаасаа л морин тэргээр яв гэж энэ хотыг анх зохион байгуулж төлөвлөсөн юм биш үү? 

6.  Дотор
Дотор давчдаад, толгой задрах гээд, гэнэт хоолой дээр нээх том юм тээглэчихээд наашаа ч үгүй цаашаа ч үгүй, таг. бүү мэд. Ойлгохгүй байна ... Яаж байгаам бол оо?

Б.Ичинхорлоо 2 шүлэг

Хэдэн сарын өмнө нэг аниагийнхаа хамтаар Бас л завгүй шүлгийн тоглолтыг үзэж байлаа. Өнөөдөр СД ээ аваад шүлгүүдийг нь эхнээс нь сонслоо. Б.Ичинхорлоогийн 2 шүлгийг нь дахин дахин сонсоод л, үнэхээр өөр юм аа. Ингээд 2 шүлгийг нь нийтэллээ. Хэрэв таалагдвал Дэлгүүрээс сд-г нь аваад сонсохыг санал болгож байна. 

Б.Ичинхорлоо : Чамдаа
Тэртээх хаврын өдрүүдийнх шиг хөтлөлцөөд нэг алхалмаар
Тийм яруухан мөч хүлгийн төвөргөөн шиг нижигнэн
Уйтай сэтгэлийн минь аниргүйг сэрээнэ
Уулга алдан айсуй
Үгүйдээ хайрт минь би мартаж чаддаггүй
Үнэндээ чи ч бас мартагдахыг хүсдэггүй
Харцны чинь гэгээнд шүлэг тэрлэж явахад
Хаврын шувуудын дуун эцээд болдоггүй ээ

Заяа заяагаа дагасан тавилан гэж байхаас
Зайгүй дотнохон сэтгэлд хагацал гэж байдаггүй
Мянган хунгийн жигүүрйин салхинд сэмрэх
Мяндсан үүл шиг хэврэгхэн сэтгэл надад байдаггүй
Орь залуу нас хийгээд гуниг уйтгарын тухай
Одоо би шүлгэлхээ болисон
Өтгөн мөчирт зугаацаж ханаад гургалдай нисэж одох мэт
Өнгөрч холдсон дурсамжаасаа аажуухан залхах болсон
Чиний тухай мөрөөдөж ханасан амраг минь
Чээжин дэх нууцаа задлахыг чинь харин хүлээхгүй
Аянч хун нуурийн толионд буух шиг л
Алжааж хүлээсэн цаг мөчүүд миний мэдэлд ирлээ
Мянган жил өнгөрсөн ч шинэхэн байх үгүйг
Магад би одоо л хэлье чамд би хайртай

Б.Ичинхорлоо ： Зуун намар
  Зуун намар, зуун намар би ингэж гунихгүй
  Зузаан үүлсээр чамдаа хэл өгүүлэхгүй
  Амгалан царайг чинь догдлон ширтээд
  Аялгуут үгсийг шагладаг минь ч үлдэхгүй
  Зуун намар, зуун намар ингэж гунихгүйгээс хойш
  Зузаан үүлсээр чамдаа хэл өгүүлсээр байх болно
  Амгалан царайг чинь догдлон ширтээд
  Аялгуут үгсийг шагласаар л байх болно

  Зуун намар, зуун намар би ингэж дурлахгүй
  Зулзаган нахиа шиг алган дээр чинь дэлгэрэхгүй
  Зүүдэн гүнд чинь шөнийн саран шиг үлдээд
  Зүрхэн дээр чинь хаврын мод шиг ургахгүй
  Зуун намар, зуун намар ингэж дурлахгүйгээс хойш
  Зулзаган нахиа шиг алганд чинь эрхэлсээр байх болно
  Зүүдэнд чинь шөнийн саран шиг үлдээд
  Зүрхэн дээр чинь хаврын мод шиг ургасаар л байх болно
  Зуун намар, зуун намар

Хэний өмч болох вэ?

Хэсэг ах нарын хамтаар урд зүгийн хэдэн хятадуудтай хоол идэв ээ. Үнэндээ бол хятад хоол идэх дургүй. Гэхдээ албан болоод албан бус янз бүрийн улсуудтай уулзахад тухайн улсын хоол, архи, ёс заншил гээд л бүгдийг нь бага зэрэг мэдэх түүгээрээ дамжуулан ойртох бол бизнесийн харилцаанд энгийн л байдаг л нэг зүйл. 
Урд зүгийнхэнийг нь ер нь 2 том бүлэг болгож хуваадаг юм шиг байгаа юм. Эхний хэсэгт худалч гэсэн бүлэг, нөгөө нь үнэнч ажилсаг. Би ер нь нэлээд олон урд зүгийн өмхий амтнууд танина.  Гэхдээ ихэнх нь худалч л даа. Гэхдээ өнөөдөр ганц гайгүй хужаатай хоол идэж, цагаан архи ганц хоёр хундага татлаа. 

Ер нь урд зүгийнхэн манайхантай нийлээд худлаа инээгээд нутаг нэгтнүүдээ муулчихдаг хогын улсууд байдаг юм. гэтэл өнөөдрийн нөхөр тэгэхгүй юм аа. Үгүй гээд л гүрийчих юм. Байгаагаараа нэлээд юм хум хийгээд үзчихсэн залуу байлаа. 35 тай гэсэн байх аа. Агаагаас нь 13 насаар ах юм байна. 

Эхлээд ах нарын хийх ажлуудын талаар ярьж байгаад, сонгууль, улс төр, 76 дээрэмчин, замын бөглөрөө, бизнесийн орчин, хутгаа, самраа, цавчаа, цаашилбал түүхээ хүртэл сөхөхөд хүрэв. 

1758 онд Зүүнгарын хаант улсыг Буюу одооны Хятадын Шинжаан аймаг дахь ойрадуудыг хядаж цаанаас баахан түрэгүүдийг авчран суурилшуулсан. Уул ёсондоо бол манжууд манайхныг 200 жил дарласан шүү дээ. Хүрз, жоотуу барьж илжиг унасан хятадууд манай хамаг юмыг хамаад урагш нь гаргачихсан гэсэн чинь өөдөөс нь нөхөр хятад  манайхан хүрз, жоотуугаар ухаад байхад Оросууд экскаватор, булдозероор ухаад ачсан шүү дээ. Битгий жижиг юман дээрээ тооцоо бодолдоо Бод гэдэг юм байна. Ер нь манайхан жижиг асуудалд маш нарийн няхуур хандаад том асуудалд огтхон асуудал үүсгэхгүй байдаг нь бидний нэг том алдаа болов уу. 

нөгөө талаар AEI дээр нийтлэгдсэн/olloo.mn бас Өдрийн сонин дээр гарчихсан байх шиг харагдсан/ Чингис Путин хэмээх нийтлэл анхаарлыг асар татав. нэг хэсэг Хятадууд манайхныг асар сонирхож хүчтэй түрэн орж ирж байсан бол одоо Оросуудын хүчтэй ноёрхол төв азид, тэр тусмаа Монголд чиглэж Монголын эдийн засагт хүчтэй байр сууриудыг атгахаар завдаж байна. Тэрхүү нийтлэл дээр байгалийн асар их баялагтай төв азийн эрс тэс уур амьсгалтай Монголыг АНУ-чууд анхааралдаа авах нь зүйн хэрэг хэмээн дурдсан байсан. За байз Аль улсын Колони болох вэ гэх нь халгүй болох шинжтэй шүү. 
Өрнөдийн хүчтэй урсгал, Умардын хүчтэй салхи, Дорнын ялдамхан агаар 3 нийлээд Монголыг хувааж залгихаар бэлтгэж байна яамаар ч юм бүү мэд ээ. 

Уусан Хятад цагаан архи толгойд гараад байна аа lol 

Жижигхэн тайлбар: 2009 оны намрын дунд сарын шинийн 17 билэгт сайн өдөр гэнэ. Хийх ажилгүй 2 гар нийлээд ганц нэг юм шимэнгээ цаашид юу хийхээ төлөвлөж байгаа нь гэнэ. 
Путин: За Буш миний хөгшин одоо 2уулаа хэн хэнээсээ юугаа нуухав юүүкэв зүгээр. мань Шууд Монгол болон төв азийн орнууд мөн европод нөлөөгөө нэмээд атгамаар байна. Чи яахав дундад азийн орнуудад нефтээрээ байлдаад алалцаж бай. 2 уулаа тэгээд диваажинд уулзаж мастурбацууд харилцан хийлцье гэж байна гэнэ. 

Элдэв янзын далий явдлууд

ойрын үед нээрээ энэ сонгууль хэмээх юмнаас болоод хэт улс төржөөд байх шиг харагдаж байгаа бол нийт болоог уншигчдаасаа том уучлалт хүсье. Дахиад хэлэхэд сори шүү. Цаадах чинь солих оймсгүй байхдаа улстөрд орку гэж Бурханч лам Пүрэвбатын царайг дээр үед харж байгаад амалцийн. Тэгэхээр улс төр лүү оркү окай. 
За элийрэх яахав. 
Жаахан солиороодхий. Өнөөдөр над дээр нар хурцаар тусаад л ... Нар халаад л, шатаад л. Шатдаг л даа. Гэхдээ нарны техникийн албаныхан чинь хэтэрхий их нүүрс түлцийм болов уу? Нүүрсний олборлолт багасаад тонн нүүрс хэд ч болоод байгаам бол оо. Нар халахаар хэтэрхий халуун болоод би халууцаад наранд цохиулаад бие нозоороод, нойр хүрээд,хамар битүүрээд хацар улайгаад, өөрийн эрхгүй хөлс урсаад, өмд мөмд барьцалдаж биед наалдаад өөрийн эрхгүй усан хулгана болмоор санагдах юм. Наранд цохиулаад усан хулгана болоод яагаад ч юм бүү мэд 00-д өнжсийшд. Тэгээд энэ 00-д өнжих португальчууд хожигдох, эсвэл нар хиртэхтэй ямар хамаа байна аа.

Бишээ энэ чинь зүүдэнд орж ирсэн Сарангооны үлгэртэй андуурчиж. Өнөөдөр чинь усан бороо шаагиад, бодолд би дарагдсан сайхан өдөр байсийм байна шүү дээ. 

Өнөөдөр өглөө нээрээ асар олон хүнтэй уулзлаа. Тоолоод байсан чинь гарын 10 хуруу дуусаад дараа нь хөлийн 10 хуруугаа гаргаж ирж тоолох гэснээ оймс цоорхой, тэгээд ч элдэв янзын үнэр танартай тул гэнэт болиод л тэгээд л тоолохоо байсийн. Ямартай ч олон хүнтэй уулзсан нь тодорхой байгааз дээ.  Тэгээл Улаанбаатарын уртаас урт замуудад түгжрээл, замын түгжрээнд янз бүрийн юм хийжийн гэжийшд. 
Өглөө гэрээс гарахдаа цайгаа уугаагүй бол таксинд сууж явжахдаа л цайгаа уучихаж болно. Бас өдөр хийх ажлаа таксинд амжуулж болно. Ойрд уулзаагүй хүн амьтантай утсаар дэмий юм чалчиж болно. Тгэхээр манай энэ замын түгжрээ нэг бодлын тун чиг зүгээр эд юм аа. Яг л намайг бага байхад эмээгийн хийж өгдөг байсан борцтой будаатай цай шиг. Оочоол оочоол суухад ч бас хөлс цуваал бас л жанцантай шд ээ. 

Өөр чинь юу юу болчиховоо. аан тийм. бас нэг таксинд сууцан 1-р сургуулийн тэндээс ажил руу явдийм байгааз дээ. Нэг өөлкөн жаахан охин. За ахын дүү тийшээ  явийшүү гэлээ. Нөгөө охин ахаа а милээ 00-цийшүү гээл явжийн. Жаахан байжийснаа машинаа унтраачихав. аан за яажаам бол гээл бодож байсан чинь дахиад жаахан явжэсан чинь ахжуугаар машин орж ирэхэд нь сандраад тормозоо дарах гэж байснаа хаазаа дарчих шиг болсон. Ах айх шиг болоол. Богд хайрхан, Баянзүрх хайрхан, Сонгинохайрхан, Чингэлтэй хайрхан дээрээс нь ийм жолооч бэлдсэн жолооны курс, эвгүй замтай Улаанбаатарын бурхачуулдаа залбирлаа нэмэр алгаа. Зовох цагт бурхан хүртэл хань болчихгүй хогын наас. Тэгээд хөөш ээ чи минь хэр удаан машин барьж байнаа гээд байсан чинь нөгөөх чинь удаж байна аа гээл нээх хөөрхөн инээмсэглээл, удаж байгаа гээд байдиймаа. за ах ч дотроо бодооод 5 6 жил машаан барьцан байх гэж бодлоо. Тэгсэн хэд гэсэн гээч 2 сар гэдиймдаа :)) :D хаха. Амьдрал нээрээ арзгар байгаам шүү. Гялс л Монгол Даатгал явмаар санагдсан. Их хэргийг бүтээх хүн ингээл чад хийчүүл тээ. надаар бас хорвоо дутийшд. За байз өөр чинь элий далий юм хум юу боллоо? 

маргааш бас баахан хүнтэй уулзана. 

Эцэст нь хэлэхэд нийт блог уншигчиддаа Bob Marley - Don't worry be happy гэдэг дууг зориулжийнаа. Нөхөд баяртай. Дараагийн боролдойн цагаараа эргэн уулзацгаая. 

Хулгайч нараас хэнийг нь сонгох вэ?

Хуучин цагт сонгууль гэдэг, сонгуульд нэр дэвшинэ гэдэг, тэр тусмаа ард иргэд сонгуульд оролцож саналын хуудас бөглөнө гэдэг нэр төрийн хэрэг байж. Бараг л  Утай гүмбэн яваад Далай ламаас адис авчихаад ирсэн мэтээр аашилдаг байсийм даа гэж хөгшчүүл хүүрнэнэ. Бараг л ардын аман зохиол мэт. Мань мэтийн насныхан 2000 оныхоос өмнөх үеийн сонгуулиудыг мэдэхгүй юм. 2000 оноос хойш л сонгууль хэмээх юмыг хальт гадарладаг болж гялс л 18 хүрээд сонгууль өгч үзэх юмсан гэж боддог байлаа. 2000 онд чинь би 14 настай гүй мөн том эр болсон байлаа шүү дээ.  Тэр үед манай тойрогт Тамхи Дашдорж, Ном Баавар, Ноолуур Жагаа 3 нэр дэвшлээ.  Тэр үед надад Баавар ах нээх том нохойн идүүр шиг дээр нь өөрийнхөө зургийг наачихсан аяга өгч байж билээ. Тэр нь одоо эмээгийнд байгаа байх аа.  Баабар ахыг хүндэлж хайрлаад л ваав. Яаж ийм лаг болох вэ гэж бодоод л Баабарын олон номнуудыг хараал ваав гэж бодоод л хүндэлдэг байлаа шүү дээ. Тэрний дараахан нь Жагаа ах үйлдвэрээ танилцуулаад нээх том автусаар бүгдийг нь аваад явав. Очоод л очсон хүн бүрт ноолууран цамц өгчийн гэсэн манай тойргийхон Жагаа ийм лаг, бүгдээрээ Жагаад саналаа өгье баръя гээд л. Би ч хэрвээ би сонгууль өгөх байсан бол Жагаад өгөх байсан гээд л тойргийн бацаанууддаа ухуулга хийгээд л. Жагааг хар Бизнесмен лаг хүн. Монголын хамгийн баян гар. /Гэхдээ Жагааг одоо санахнээ бусад улс төрчидтэй харьцуулбал зүгээр л ТҮЦ ажиллуулдаг гар болохыг нь олж мэдсэн. / энэ тэр гээд л Жагааг шүтээл .... Сонгуулиас 2 3 хоногийн өмнө хүртэл манай тойргынхон 2 хуваагдчихсан. нэг хэсэг нь Баабарт, нөгөө хэсэг нь Жагаад л гээд л. Нэг орой байрны хажуу талд 3 машааан цемент асгаад л шороон дээр сагс тоглодог байсан хүүхдүүдийн нар гараад л. ваав ийм гоё болгож өгсөн хүнд саналаа өгөхгүй яадийм гээд л... Дараахан нь нэг орой Цэдэвийн Дашдоржийн шоу болдийм даа. тэлбизээр хардаг бүх гарууд ирчихсэн. Бүгдээрээ л Дашдоржийг дэмжиж байна гэнэ шүү. Хүүх лаг гар байх нь гээд л. Том том гэдэстэй улс төрчид бүгд ирчихсэн энэ лаг залууг дэмжээрэй гээд л. Тэгсэн тэнд нь бүх хүнд малгай, пудволк тараагаад эхлэхээр нь бүгдээрээ Цэдэвийн Дашдоржид хошуураад л Тэгээд л Дашдорж 4 жилийн турш Парламентийн гишүүн болж хууль батласийм даа. 


2004 онд.

Бас дахиад л нөгөө хэд нэр дэвшиж байна гэнэ. Гэхдээ үр дүн нь Жагаагийн талд гарсан.


2008 онд.
Энэ үед би аль хэдийнээ нэг сонгууль өгчихсөн туршлагатай нөхөр болчихсон байв аа.  Залуу хүүхдүүдэд сонгууль гэдэг чинь ийм юм байдийн ахын дүү нар гээд л Ямар сайндаа л блогтоо сонгуулийн тухай юм сийрүүлж байхав дээ. За тэр яахав. Нээрээ энэ сонгуулиас залхаж байна аа. Хэдэн хулгайч нар бидний татварын мөнгийг хэн нь хамгийн хурдан, хэн нь хамгийн ихийг хулгайлах вэ хэмээн булаалцалдаж дээрээ алалцаж байна. Харахаар огиудас хүрч шууд л 00 ормоор санагдах юм. 

5 сараас хойш үнэндээ ажил хийж чадсангүй. Хүн амьтантай уулзах гэхээр сонгууль гээд завгүй сонгуулийн дараа гэж л хэлэх юм. Адаглаад яг таг өдрөө ч тохирчихож болохгүй юм. Утсаар яриад асуудал шийдэх гэхээр ах нь, аниа нь сонгуульд хэрэв амжилттай оролцчихвол тэгье ингье гэх. Ялагдчихвал амиа хорлочих гээд байгаа юм уу хаашаа юм?.

заза бүү мэд ээ. Хуучин 2005 оны сонгуулиас хойш уул нь онгоцны сүйрэл, талхны үнийн өсөлт, азийн чоныг эс тооцвол амар, тайван энх тунх амьдарсан юмсан. Гэтэл одоо яаав. Анх шил авна, шил авна, сүү аваарай, сүү аваарай гэж орилдог байсан бол нэмэгдээд УИХ-ын дугаар тойрогт нэр дэвшигч хулгайчын төлөө саналаа өгөөрэй гэх мэтээр төрөл бүрээр гошгоруулна. Бид гошгорно. 

Ойр ойрхон хаалга балбана. Гэртээ суухаас ч уур хүрэх юм. Байсхийгээд л хэнд ч хэрэггүй сонгуулийн сурталчилгааны сонин тараах юм. Тэр нь ядаж байхад миний хэрэглэдэг 00-ийн цааснаас ч ядмагхан цаастай, нүүрэн дээр нь худлаа инээсэн хулгайчын үнэн дүр  төрх, баахан худлаа CV энэ тэр. Ээ чи хулгайч шд ээ гээд даанч шууд хэлчихэж чадахгүй нь харамсалтай.


Ахыг нээрээ аймар гошгоруулжийнаа. Чи зүгээр Монголын иргэн болсоноороо жилдээ нэг удаа эрдэнийн хувь гээд 1-1,5 сая төгрөг зүгээр ав, Дээрээс нь чи хуримаа хийчих 500.000, Өө хуримаа хийчихсэн сайн залуу. Одоо үр хүүхдээ хийчих сар бүр 20.000 гээд л цаашаа явах. Манайхан бүгд гошгорчийн гэжийшд. Хүүх манайх 4 ам бүлтэй жилдээ 6 сая төгрөгтэй болхийм байна. 6 сая төгрөгөөрөө гэртээ хөргөгч, тэлбиз, угаалгын машаан авна. Го ё гэх мэт. /Уул нь жаахан юм боддог тархитай улсууд бол ингэж мөнгө тараалаа гээд тэр чинээгээрээ Инфляц өсөж талх нь 1500 болох биз./

Өнөөдөр нэг найзтайгаа сонгуулийн талаар ярилцав. Гайтай юм аа. Энэ сонгууль гээд л . Аргагүй шд ээ. Үнэхээр болохгүй байна шд ээ. Сонгууль болно уу байна уу? үнэндээ пад алга. Хулгайч нар дундаасаа хэн хүчтэй хулгайчыг дээш нь гаргаж тэгээд араас нь улс орноо хувааж идэх гэж байгаа луйварчидтай байснаас байгаагүй нь дээр биз дээ. Тэртэй тэргүй бидний үеийн шинэ залуусын түрлэг 10-15 жилийн энэ нийгмийг өөрчлөх биз.

Нэг зөвлөгөө хэлэхэд хулгайч нараас аль овоо мөнгөтэй хулгайчыг нь сонгоорой тэд чинь жижиг юм хулгайлахгүй зөвхөн том юм хулгайлах хүмүүс шүү. Энэ Баасан авгай, Отгонбат, Магнай, Бямбатулга гэх мэт амьдралдаа автобуснаас өөр унаанд сууж үзээгүй хулгайч нар чинь дээшээ гараад олдсон дээр нь юм хуссаар байгаад бидэндээ юм үлдээхгүй хулгайч нар шүү.

Би сонгууль өгөхөөс нээрээ үнэндээ залхаж байна. Хулгайч нарт өөрийнхөө үнэт саналаа өгмөөргүй байна. Болдогсон бол би хулгайч биш юм чинь саналын хуудсан дээр нь өөрийнхөө нэрийг 4 удаа биччихээд гараад ирмээр байна. Тийм ээ би хулгайч биш ээ. Гэхдээ л цаашид хулгайч болох гэж бэлтгэгдэж байгаа болохоор доль доль үсрээд хэдэн хулгайчын нэр дугуйлах л биз дээ.


Хулгайч нарыг битгий сонгоорой, хий хоосн амлалт, эрээ цээргүй эцэс төгсгөлгүй хулгай дээрмийг харсаар байж зүгээр суух уу? /Энэ гудамжинд жагсагсадын үг бил үү.  lol/ damn it hustings!!!!!!!!!!!!!!!!!!!!!!!!!!!!!!!!!!!!!!!!!!!!!

Баабаризмын төгсгөл

Жич: Үүнийг 2008-р оны 3 - р сарын 3-ны өдөр таталгаж байв!

Тvvх өгvvлсv.

2000 оны УИХ-ын сонгуулийн 70-р тойрогт Тамхи, Ном, Ноолуур 3 нэр дэвшив. Манай Тойрог л доо. Энэ сонгуулиар Тамхи нөхдөө хошуучлан илт давуу байдалтайгаар гарч ирлээ. Тамхи сонгуулийн сурталчилгаа PR-ын vед хvчтэй гарч ирээд сонгуульд гарч ирсэний дараа гэнэт сураггvй алга болов. Тойргийн нөхөд болоод ард тvмэн тvvний араас гашуудан усанд хаясан чулуу мэт алга болсонд тун ихээр гайхан балмагдаж эрэл сурал болж зарлуулдах дээрээ тулсан тийм л хэцvv цаг vе байлаа.

Нvдэнд дулаахан тамхи хvvг эрсэн, сурсан хайсан ард тvмний сэтгэлийн шархыг аниулах ганц гайхамшигтай зvйл болсон нь сонгууль дөхөж гэнэт нэг нартай өдөр Тамхи хvv өөрийнхөө гэгээн дvрийг харуулж байх нь тэр. 2004 оны УИХ-ын сонгуулиар Ном, тамхи, ноолуур 3 дахин өрсөлдөв. Нийтээр эдийн шуналд автсан манай тойргийнхоны хувьд хувь хvний мораль, мэдлэг, боловсрол тийм ч чухал бус агаад Ноолуурыг хайртай шvтээнээ болгон залжухуй. 2000-2008 оны сонгуульд ном мулт vсэрч лааз өшиглөн явсан 8 жилийн тухайд хэмээвээс эд мэддэг манайхны хувьд ном хэмээх цаасыг vл тоосноос гадна ард тvмэнд өгөх өргөл барьцаар дутмаг тvvнийг дахиж нэг нvдээрээ ч харах хvсэлгvй болсон баймой. Энэхvv хэсгийг энэ хvргээд эцэслье. Тvvх өгvvлсv хэмээн гарчиглаад цааш vргэлжлvvлэн бичих аваас би бээр Шинэ vеийн тvvхч хэмээн цоллуулах гэм буй. Аймой.

Энд доор би хэний тухай өгvvлэхийг уншигч авхай та гадарлаж байгаа байх. Тийм ээ би номын хvний тухай доор өгvvлнэ. Төгсгөл гэж гарчиглахаар төгсөх дуусах эсвэл доромжлол хэмээн орчуулж vл болно.
Vгний араас изм хэмээх төгсгөлийг залгахад бvхэл бvтэн онол, бvхэл бvтэн нийгмийн нэршил болж хувирдаг аж. Жишээ нь Сарантэнгэр гэдэг vгний араас изм залгавал сарантэнгэризм буюу бvхэл бvтэн нийгэмчлэлийн нэр томъёо онол дvрэм болж хувирна.
Социолизм, капитализм, нацизм, анархизм,... Баабаризм ...

Нийгэмд олноороо дагаж мөрдөх ёстой тэрхvv цөөхөн зvйлсийг хууль, дvрэм, журам гэж нэрлэнэ. Хvн төрөлхтөн байгалийн хатуу ширvvн болоод зөөлөн бvхий л vйл явцад аливаа зvйлсийг хамтаараа шийдвэрлэж амь аргацаасан байдалтай өнгөрөөдөг байсан бөгөөд тэрхvv зvйлсийг шийдвэрлэх болоод цаашид ирээдvйд болох зvйлсийг урьдчилан харж өгvvлдэг, цаашид мөрдөгдөх дvрэм журам, нийгмийн байгууллагыг хэлдэг, бичдэг байсан нийгмийн цөөнх буюу сэхээтнvvдийг нухчин дарах нь хvний нийгмийн аль ч vед байсаар л байсан ...

Бид хэзээ хэзээнээсээ л өөр хоорондоо хэдэн сая живаа асуултыг бие биедээ тавьдаг.
Бид хаанаас ирсэн бэ? Дэлхий шиг өөр гариг ертөнц бий юу? Нар хаашаа алга болдог вэ? Дэлхий ямар хэлбэртэй вэ? Гэх мэтчилэн. Эдгээр асуултуудаас зvй ёсоор том тооцогдох нэг асуулт бол Дэлхий ямар хэлбэртэй вэ?

Энэ асуултын хариултыг олох хvртлээ хvмvvс олон мянган жилийг зориулсан билээ. Хятадын эртний сурвалж бичигт эх дэлхий бол хавтгай, дөрвөн талаасаа асар том загас, аймшигт луугаар дvvрэн догшин тэнгисээр хvрээлэгдсэн гэж дурьдсан байдаг. Мөн эртний энэтхэгчvvдийн олонх нь дэлхий хавтгай гэж тайлбарладаг байлаа. Тэд “Сvмбэр” уулыг тойрон нар, сар, одод эргэлддэг гэдэг байв. Зарим нь бvvр эх дэлхийг лянхуа цэцэгтэй зvйрлэдэг байсан юм. Мөн дэлхийг яст мэлхийн дээр дөрвөн зааны нуруун дээрх эх газар ч гэж vзэж байв. Гэвч олонхийн саналтай нийлдэггvй “цөөнх”-vvд байсныг энд дурьдах хэрэгтэй.

Эртний грекийн суут сэтгэгч Пифагор (МЭӨ 580-490) дэлхийг бөөрөнхий гэж таамаглал дэвшvvлсэн боловч олон нийтэд баталж чадаагvй учир тvvнийг бас л дэмжээгvй юм. Олонх дэлхийг хавтгай гэж vзсээр байлаа. Харин дэлхийг бөөрөнхий гэдгийг жишээгээр “нотолсон” хvн бол Пифагорийн шавь Аристотель. Тэрээр нар, сарны хиртэлээс дэлхийг бөөрөнхий гэж нотолсон аж. Тэр vеэс дэлхий бол ертөнцийн төв гэсэн vзэл баримтлал гарч эхэлсэн юм.

Гэвч Аристотелийн vзлийг бас л олонх “таашаасангvй”. Ингээд хvмvvс олонхдоо итгэсээр хэдэн зууныг vзэв. Португалийн агуу аялагч Фердинанд Маггелан (1480-1521) болон тvvний багийнхан 1519 онд Испаниас аяллаа эхлэн 1525 онд дэлхийг усан онгоцоор анх удаа тойрч, буцаж Испанидаа ирсэн. Усан онгоцоор дэлхийг тойрсон vйл явдал нь дэлхий бөөрөнхий гэдгийг бас л баталсан нотолгоо байв. Энэ vйл явдлаас хойш тун удалгvй Польшийн нэрт сансар огторгуй судлаач, одон оронч Никола Коперник (1473-1543) дэлхий төвт vзлийг халж, орчин vеийн онол болох нар төвт vзэл баримтлалыг дэвшvvлсэн юм. Энэ талаараа тэрээр өөрийн алдарт “De revolutionbus orbium coelestium” номондоо маш дэлгэрэнгvй өгvvлсэн байдаг.

Гэвч тухайн vеийн олонх болох лам хуварга, шашны номлогчид энэ vзлийг vгvйсгэж, нар төвт бус дэлхий төвт гэсэн өмнөх номлолыг дагаж, Коперникийг эсэргvvцэж, номыг нь хэвлvvлэхгvй байх хvртэл арга хэмжээ авч байсан юм. “Орчин vеийн шинжлэх ухааны эцэг” гэгддэг алдарт одон орон судлаач Галилео (1564-1642) Коперникийн vзэл баримтлалыг vргэлжлvvлэн, нотолж баталж байсан билээ. Мөн л “дэлхий заавал ертөнцийн төв байх ёстой” гэсэн тухайн vеийн vзэл суртал, шашны номлолоос болж, Галилеог Католикийн шашны шvvхэд дуудаж, тvvнийг vлдсэн бvх насаар нь шоронд хорихыг тулгасан юм. Тvvнийг шашны тэрс vзэлтэн, бурангуйлагч хэмээн гvжирдэж байв. Хэдийгээр “олонх” тvvнийг шоронд хориогvй боловч бvх насаар (1633-1642 он хvртэл) нь гэрийн хорионд байлгаж, нийгмээс тасалсан байдаг (Хожим бvvр 1992 онд Католикийн сvмийн 264 дэх пап лам Жон Паул II Галилеог цагаатсан байдаг).

Эцэс сvvлдээ 21-р зуун гарлаа. Дэлхийг дахиад л хавтгай гэх болов. Тэр ч байтугай лалын ганц орнуудаас бусад нь дэлхийг хавтгай болгон харж байна.
Соён гэгээрvvлэгч, Сэргэн Мандлын хvн гэсэн 2 нэр томъёо хуучин тvvхийн шаргал хуудсуудад олонтаа тааралдана.

1990 ээд оны Монголчуудын Соён Гэгээрэл нийгмийг харах vзлийг Галсансvх, Баабар хоёргvйгээр дvрслэн бичихийн аргагvй. Тийм ээ Баабар 1990 ээд онд Монголчуудын оюун санааны ертөнцийг харах vзлийн эцэг байсан. Гэхдээ Баабарын бvхий л бичлэг тухайн өнөөдрийн нийгмийг болохгvй талаас нь харахад, эсвэл болоод өнгөрсөн зvйлийг өөрийн уншсан зvйл дээр тулгуурлан бичсэн байдаг. Тэр болж байгаа зvйлсийн талаар бичдэггvй. Тvvний бvхий л нийтлэлээс зөвхөн болж өнгөрсөн, өнгөрсөн vеийн зvйлс л харагддаг. Тийм тэр дандаа зөв хэлдэг. Яагаад гэвэл тэр бидний харж vзсэн зvйлсийг арай өөр өнцгөөс зөвөөр тусгаж харж масст зөв хvргэдгээрээ тэр олны анхаарлыг татдаг. Нэг vгээр Баабарын бичлэгийн арга зvй, vзэл баримтлал зэрэг нь нэг vгээр брэнд болчихсон учраас л тэр.

Өнөөдөр Монголын нийгмийн зарим хэсэг Баабарыг Шинэ Vеийн Сэргэн Мандлын Загалмайлсан эцэг, Шинэ Vеийн тvvхч хэмээн бичиж байна.
Сэргэн Мандлын хvн гэдэг нь тухайн нийгэм цаг vеэсээ тvрvvлэн байгаа болон болох зvйлсийг харж чаддаг, тvvнд анализ хийн олонхын хувьд vнэлvvлэн байдаг хvнийг хэлдэг.
Тvvний сvvлийн 2-3 жилийн нийтлэлvvд хэт нэг талыг барьсан улс төржсөн, эсвэл болоод өнгөрсөн зvйлсийг хэтэрхий томоор дөвийлгөн бичиж байгаад оршино.

Нийгмийн олонхи нь тэрхvv зvйлсийг бодитоор хvлээн авч Баабарт дурладаг биз ээ.
Хэрэв Баабар 90 ээд оны Монголчуудын оюун санааны эцэг хэвээр байхыг хvсвэл өнөөдрийн бичиж байгаа зvйлсдээ анализ хийн нийгэмд болж буй бодит зvйлсийг маргааш болон нөгөөдөр болох зvйлтэй хамруулан бичих хэрэгтэй болов уу? Хар шар хэрvvл, хутагт хувилгаад, улс төрийн хэрvvл, нутаг ус, хэл соёл эдгээр зvйлийн талаар хичнээн их бичнэ. Төчнөөн хэмжээгээр vнэ цэнээ алдах болно. Нэг vеэ бодвол манайхан 90-ээд оны vеийнх шиг арилгасан сонгины булцруу шиг байх аа больсон. Дэлхий хавтгайжиж мэдээллийн олон талын урсгал, vзэх харах зvйл хэтэрхий их.

Өнөөдөр таныг нийгмийн олонх буруутгаж байна. Гэвч маргааш таныг бvгд хvндлэх ч юм бил vv. (Ихэнх сэхээтнvvд ийм замаар замнадаг юм билээ. :D)

Дээрх бичлэг таныг vгvйсгэсэндээ бус таны нийгэмд vзvvлж буй нөлөө vр дагавар цаашид хэрхэхийг урьдчилан харж бичихийг л санал болгож буй нь энэ.

ХХI зууны Монголчуудын Оюун санааны Загалмайлсан эцэг, Дэлхийн Нийтийн Соён гэгээрлийн Шинэ vеийн тvvхч Баабар ах тандаа эрvvл энх, урт удаан нас, ирээдvйн чамин чамин бичлэг, их олон ном бичихийг хvсэн ерөөе!

Таныг хvндэтгэн ёсолсон таниас 2,45(45) дахин дvv Сарантэнгэр

...

За жаахан элийрч, дэмийрээдхий.
 

Өчигдөр орой хөлбөмбөг үздэг баатар орой 12 цаг өнгөрөөгөөд сидни гээд нэг шинэ пабад оров оо. Хүн гэж бага байснаас яг 2 цаг 45 минут болсон чинь пиг болчдиймдаа. манайхан чинь ямар аймар фанатууд юм бэ? Гоал оруулахаар нь ааа үүү гээл бие биенээ тэвэрч авч үнсээл, хацар дээрээ герман зирманы далбаа зурж мурцан, Бүгдээрээ 

2:45 аас герман австрийн тоглолт болов оо. Хүн гэж пиг, Ядаж байхад бүгд Германы фанатууд ҮҮҮ ААА гээл, ах далдайж  2, 3 пиво уугаал каадр тасрах дөхөв. Тоглолтын 60 дахь минутаас эхлээд 80 дахь минут хүртэл пабад нүднийхээ хорыг гаргаад авдийм байгааз дээ lol. Герман хожцон. тэгсэн манайхан чинь хоорондоо FREE HUG маягын юм хийгээл үүү ааа гээл аймар дэмждэг наасан. Ах тэгсэн наана нь нойр хүрээд унтах шахдаг наас. Урамгүй байна лээ.  Уул нь би Австрийг дэмжиж байсиймаа. хөөрхийс дандаа л 2-рт явах хувьтай хүмүүс шиг байгаам. Бараг ганцаараа Австрийг дэмжиж байсан байх. Тэгээд Австри Австри гэж орилох гэснээ бас болиод нөгөө үнэнч фанатуудаас айгаад байгаам чинь /Яачих ч юм билээ зодуулчих ч юм бил үү :D/ Тэгээл тоглолт дуусангуут нь манай Герман гоё шүү гээл худлаа царайлаал :D  

Тэгээл 5 цаг 30 гээл тэндээс гараад ирсэн чинь гадаа нар гараал, навч цэцэг дэлгэрээл, ногоороол, гоё наасан. даанч гол асуудал нь толгойн дотор мянган зараа. Ер нь тэгээд нас хорь гараал ирэхээр шууд л уруудах нас руугаа ороод хөгшрөлт явагдаад эхэлчдэг гэж үнэн юм шиг байна. Ядраал, Ямар сайндаа л 3 давхар байшин руу шатаар гарах гэснээ залхуураад лифт 30 минут хүлээж суухав дээ. ай даа энэ хүмүүний амьдрал гэж.


Өчигдөр орой нээрээ бороо шиврээл гоё байсан шүү. даанч Улаанбаатарт бороонд алхахаар хувцас халтар болоод шороон царайлаад байдиймдаа. Агаар магаар гэж авах юмгүй хэцүү, туйлын хүнд нөхцөлд амьдарчийшдээ. тэгээл хааяа кареер хөөхгөөл төр засаг масаг гэж усан тэнэг идэж уухаас өөр юм мэдэхгүй малнууд УБ-д амьдарснийхаа төлөө ингэж хордож байна. надад эрүүл юм алга гэхээр л өөдөөс чи баян бол гадагшаа сайхан орон руу цагаалчихаач, ядуу бол хөдөө мал дээр гарчаач. тэгэж чадахгүй бол утаандаа хордоод хэвтэж байхгүй юу ухааны юм хум хэлдэг болчихжээ. хөөрхий. 


За тэгээд  одоо энэ 76 хурга, ишиг сонгох монгол наадаан болжийн. Яг л хар зах дээр хэдэн тэрэгчид урагшаа хойшоо гээд дайрч байгаам шиг. Алалцаж байна шд. Би ч одоо гэртээ харихаас ч уур хүрдэг болж байна. 5 минут тутамд хэнд ч хэрэггүй сонин тараах юм. Яг одоо тэгээд тэрнийг нь уншаад авчихъя гэсэн юм юу ч байхгүй. Хэнд ч хэрэггүй цаас, цаг, мөнгө үрсэн хар хог. гэхдээ энэ дээдчүүл чинь бидний мөнгөөр тоглодог болохоор мөнгөнд санаа зовдоггүй юм шиг байгаа юм. Орой бүр зурагтаар лапа лапа юм ярьж телевизийн үнэтэй цагыг үрээд л. за даа тэгээд манай телевизүүдээр хэрэгтэй юм ч гардаг биш дээ. Үзэхээс ч бөөлжис цутгамаар, за тэгээд сонин энэ тэр уншихаас уур хүрмээр, Ямар ч ур чадваргүй сумын бага сургууль төгсөөд өөрсдийгөө гарцаагүй сэтгүүлч болчихлоо гэж бодоод юм бичээд яваад байдаг гаруудыг бодохоор ичих шиг л. 


нээрээ Долларын ханш сайхан унаж байна. Миний тооцоолж буйгаар монгол төгрөгтэй харьцах мөнгөн дүн 1050 орчим байгаа. Цаашид ч унах байх.
Ер нь мөнгөө аль болох EUR болгож хадгалсан нь дээр байх шүү.


PS: толгойн доторх мянга мянган түмэн жадтай зараануудыг хэрхэн туйлын амраар гаргах вэ? хөөгөөд хөөгөөд загнаад загнаад сүүлдээ учирлаж гуйлаа аргадлаа ерөөсөө гарахгүй гээд байх юм. Арга зааж өгөөч плизэ. /Сүүлийн үед англиш хэлний мэдлэг асар хурдацтай сайжирчига. Ер нь энэ эрчээрээ явбал ганц улаан хэлээ мартаад шууд англишаар сольчдиймуу гэж бодож байгаа шүү. Гэхдээ амаргүй л байх. Баат Ай эм Вэри Хэппи. / хаха.

Дуртай духанцар

Зураг түүх өгүүлнэ гэдэг нэртэй бүлэг нээлээ.
Зураг Түүх Өгүүлнэ № 001

1. Дуртай духанцар
Зургийн нэр: Дуртай духанцар
Зургийн фон: Эрдэнэт хивс
Зургийн огноо: ХХ зуун

Зургийн тайлбар: Энэ ииииих эртний зураг. ХХ зуунд авсан зураг байх аа. Би санадийм. тэр үед талх 200 төгрөг байсан. Гудамжаар бандгар бандгар биш уурт уурт ЛИАЗ шар автуусууд хурдалдаг байсан цаг. Би тэр үед 4-5 ангийн сурагч байсийм. Ширээний даргаас, салаан дарга, салаан даргаас ангийн дарга гэх мэт өндөр өндөр босготой сонгуульт ажлуудыг хийж анги хамт олныхоо итгэлийг даан явсан сайхан цаг байсиймдаг. За түүний ажил үйлс, албан тушаалыг ярихаа түр азнаад түүний үнэн дүр төрхийг шууд л хэлээдхий. Хаанаас ч юм бүү мэд нэг нүдний алиа шил олоод зүүцэн, нэг цэцгэн зангиа олоод авчихсан. Хуриманд явах гэж байсиймүү хаашаа юм? Шинэхэн фэнжэк авсийм шиг байгаам. Тэнгэр бол ширтээстэй, нуруу бол цэх огцом гар! Тэр гарыг нь хараа? Ийм гоё байсан байна шд. Одоо тэгсэн яасан мойнийж үрчийгээд ТОП Модель Одгэрэлийн гар шиг болцон байна шд. Тэр гоё гартаа нэг ном барьчжээ. Ядаж байхад нөгөө ном нь "КАМАСУТРА". За ийм л байна.

...

Эрхэм хүндэт блог уншигч андуудад энэ өдрийн гал халуун, галзуу хийгээд гаслант мэндийг мэдэн мэндчилюү.
Ойрдоо ажил ихтэй байна. Нэг үе ийм их ажлыг, ийм их бүтээлийг, ийм их бүтээмжийг мэдэрч амжилгүй уджээ. Энд тэнд бүлтэрч, энд тэнд чатлаж явах цаг зав маань багасав. Хэд хэдэн зүйлийг эхлүүлэв. Удахгүй амьдралийн шинэ шинэ боломжууд, шинэ шинэ мэдрэмжүүд, шинэ шинэ эрх чөлөөг, шинэ шинэ эрч хүчнүүдийг эдгээр ажлаасаа олж авна гэдэгтээ итгэлтэйгээр урамтайгаар урагшилна. Ажлын зорилго, зорилго, бүтээмж, биелэлт энэ бүхэн намайг өөрийн эрхгүй эх захгүй тэнгэрт хөөрөн нисгэж, талын хөх чоно шиг, алтайн хүрэн бүргэд шиг эрч хүчтэй, зоримог зорилготой хийгээд итгэлийг өгч байна. Тийм ээ би яг одоо нисэж байна. Маргааш ч ниснэ, нөгөөдөр ч ниснэ. Нэгэн цагт Төв Азийн Цээжинд алдар нэрээ дуурсгасан аугаа хүн болохын цагт хайртай аав ээж, эх орноороо овоглуулан явна гэдэгтээ итгэлтэй. Тэр цаг ойрхон буй.
... Магадгүй тун удахгүй хаанаас ирсэн, юу боддог, юу мэддэг, юу чаддаг тухайгаа хагас цаг тайлбарлан маргалдах шаардлаггүйгээр Би Монгол хүн, Би Монголоос ирсэн гэдгээ ам бардам бахархан ярьж, хамгаас хайрт Монгол орон минь дэлхийн оюуны эрчим хүчний энергийн төв, дэлхийн хөгжлийн тулгуур төв станц нь болно гэдэгт туйлаас итгэж байна.
Монгол залуус дэлхийн банк санхүү, программ хангамж, оюунлаг бизнесийн төрөл бүрийн зах зээл дээрх нугарашгүй ноён нуруу болж тэдгээрийг залан чиглүүлж удирдан явах цаг ойрхон буй ...
Уралдаж, идэлцэж, уулцдаг хурга ишигнүүдийг сонгодог сонгууль хэмээх гайны улмаас шөнө унтаж чадахгүй байна. Өглөө хаалга тогшиж хэнд ч хэрэггүй плакат сонин тараах юм. Ямар хэрэг байгаа юм. Тэртээ тэргүй Монгол улс хөгжинө гэдэгт итгэлтэй байна. Гагцхүү одоогийн төр барьж буй эдийн шуналтай энд тэндээс цуглуулсан үхэрнүүдийг зайлуулан бидний үеийн шинэ залуусын үе ирэхэд манайхан дийлдэхгүй дээ. Тэгээд ч одоо 15-20 жилийн дараа л Монгол дийлдэхгүй тасарна даа. Тэр болтол өөрсдийгөө бэлдэж дэлхийн эдийн засгийн шуургануудаас аль болох овоо ахиу зоос зулгаахыг чармайцгаа залуус. Сонгууль болно уу, газар хөдөлнө уу, галт уул дэлбэрнэ үү, ядуурал нэмэгдэнэ үү, янхандалт газар авна уу хамаа алга. Эхлээд сурч боловсор, хэнээс ч хараат бус бол, системтэйгээр ажилла. Тэгээд л болоо. Бидний босгох мөнгө газраа ухаад биш дэлхийн эдийн засаг дээр хямдхан мөнгө өч төчнөөн л байна. Тэндээс л олигтой овоо юм цуглуулъя.


PS: Сайхан байна даа. lol