Сайн байна уу 2008 он!

Сайн байна уу? Эрхэмсэг 2008 ОН чи!
Сар жил улиран өнгөрч л хорвоогийн шаргал эрээ бараан өдрүүд ээлжлэн солигдсоор нэгэн жил шувтарч 2008 он хэмээх нэгэн шинэ он таныг угтан авлаа.
Өнгөрч буй 2007 онд хийсэн бүтээсэн зүйлс, алдаа их, оноо бага жил ямар ч хурдан өнгөрөв өө . Боксын ДАШТ-ий Мөнгөн Медальт Бадар-Ууганы хэлсэн шиг олимпод үзүүлээд өгнө өө гэдэг урмын үгтэй адилханаар 2008 онд би алаад өгнө өө.
Он солигдох торгон агшинд гэр бүлээрээ ширээ тойрон сууцгааж Оргилуун дарсаа буудуулах тэрхэн агшинд Оргилуун дарсны тэр оргилсон их хүч, буцлах миний сэтгэл 2 нэгэн цэгт шүргэлцэж цаашид паралелаар үргэлжлэн 2008 онд ихийг хийж бүтээх эрч хүчийг авав.
Гадаа салют буудаж өнгөрсөн оны алдаа, оноо дурсамж гээд бүгдийг мартаж 2008 ондоо шинээр эхлэх эрч хүчийг олж авлаа. Гараа нэг зангидаж шүдээ нэг зууж, дотроо нэг халаалаа! Ер нь дурсамжаараа амьдрах нь утгагүй зүйл гэж Анар гэж охин хэлж билээ надад. Одоогоос 5 жилийн өмнө шүү дээ.
Аавын хэлсэн урмын үгс, ээжийн хэлсэн халуухан үгнүүд... Хайрт ээж аав 2 минь хүү нь бүгдийг хийнэ. Бүгдийг бүтээнэ. Би чадна. Амлъя!

2008 он бол сонгуулийн жил би сонгуульд нэр дэвшинэ. Гэхдээ хувийн өөрийгөө ялан дийлэх тэрхүү чухал сонгуульд би нэр дэвшиж байна. Миний сонгууль нэг л тойрогтой, нэг л нэр дэвшигчтэй. Олон сонгогчтой. Ялалт эсвэл Үхэл ...
Он гарах торгон агшинд мөрийн хөтөлбөрөө ч яаравчлан баталлаа.
Сонгогч олон минь би 2008 онд мэдлэг боловсролоор тархиа цэнэглэж, өмнө алдсан алдаагаа давтахгүй, шинэ эрч хүчтэйгээр ажиллах болно.
Сонгогчид минь миний мөрийн хөтөлбөртэй танилц
1. Мэдлэг боловсрол гэдэг юунаас чухал тул тархиа эрдэм мэдлэгээр, сэтгэлээ эерэг энергээр, биеэ эрүүл мэндээр чимэх болно.
2. Сар бүрийн орлого зарлагыг маш сайн тооцож, элдэв янзын илүү зардалгүйгээр цаашид бүрэн хөгжих санхүүгийн нөөцтэй болохын тулд хуримтлал бий болгох.
3. Энэ Хорвоо дээр эр эм гэдэг 2 бодгаль хамтдаа байж оршин тогтнодог тул яаравчлан нэг сайн найз охинтой болох
4. Дадлага туршлага гэдэг юунаас ч чухал байдаг төрөл бүрийн шинэ сонин содон зүйлсийг туршиж, судалж олон төрлийн шинэ санаачлагыг гаргах
5. Сайн зүйлс ихээр хийх!
6. Удаан дуншиж хүлээгдэж буй TM төслийг эхлүүлэх. Цаашилбал энэхүү төсөл хэрэгжсэнээр олон төрлийн эерэг үзүүлэлтүүд гарна.
7. Адам Смитийн Сонгодог эдийн засгийн онолын зарчимаар өөрийгөө тордоно.

/ Classical economics: 1776 онд Шотландын Философич Адам Смит "Wealth of Nations" буюу "Ард түмний баялаг" нэртэй бүтээлээ хэвлүүлсэнээр Сонгодог эдийн засгийн онолыг үндэслэсэн. Тэрээр уг бүтээлдээ хүн бүрийн өөрийн сайн сайхны төлөөх эрмэлзлэл нь нийгмийг сайн сайхан болгоно үүнийг төр зохицуулах шаардлагагүй, зах зээл чөлөөт, далд гарын механизмаар зохицуулагдана гэж үзсэн бөгөөд, Энэ нь анхандаа улс төрийн эдийн засаг гэж нэрлэгдэж байгаад хожим сонгодог эдийн засаг гэгдэх болжээ. Түүний санааг гутрангуй үзэлт Рикардо, Мальтус нар үргэлжлүүлсэн билээ./

2008 оны сонгуульд намайг дэмжээрэй. Хэрэв та бүхэн намайг дэмжвэл би та бүхний итгэлийг алдахгүй ажиллаж, сурч боловсорч өөрийгөө хөгжүүлэх болно оо.
та бүхний итгэлийг алдахгүй.

та бүхнийг хүндэтгэн ёсолсон Сарантэнгэр.